中年好聲音丨吳偉豪爸爸70歲再追夢 吳大強曬震音獲肥媽大讚
除了要承受隨時有機會全身郁唔到的擔憂外，更不幸的是同時還要承受男友患癌打擊，她接受製作組訪問時坦言得悉噩耗時晴天霹靂：「嗰時仲係傾到去結婚，點知大家都一齊有病，感覺係點解係我同佢發生啲咁嘅事，好戲劇性又好真實嘅感覺。」肥媽聞言即鼓勵她說：「計劃總係趕不上變化，其實當你想做某啲事、又唔會傷害到人嘅話，就應該活在當下去做，所以《中年好聲音》應該要做多幾屆！」曾於歌唱比賽獲獎的Chelffy，將在節目中獻唱《可惜我是水瓶座》，到底她的歌聲能否與其故事一樣打動到評審？
是集有勵志又有洋蔥，亦有唱得之人！1994年新秀亞軍丁文俊和1988年新秀亞軍何國星將在本集輪流登場，49歲的丁文俊獻唱林子祥的《幾段情歌》，充滿感情的演繹獲評審大讚。肥媽說：「好鍾意佢嘅Feeling同Style，有啲似巫啟賢、夏韶聲，你唱嘅歌係林子祥，但一啲林子祥影子都冇。」周國豐則直指聽到起雞皮：「有啲歌年青聽時係愛情，中年聽時係人生，丁文俊版本係感受到人生，好正。」而當年揮低樂壇天后鄭秀文、奪得新秀亞軍的55歲何國星，則深情演繹《夏日傾情》。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
