內地男星胡歌7年前憑《琅琊榜》登上演藝事業頂峰，之後佢偶有接下新劇，不過大部分時間大家都見唔到佢現身幕前，雖然佢仍有多個代言喺身，但都令人不禁懷疑佢「半退休」狀態嘅背後原因。最近網上就瘋傳佢早年被片商威脅「拍爛戲、帶新人」，但胡歌唔肯，因此得罪好多人，不過傳言真實性尚未被確認。
網上更傳出當年佢以《琅琊榜》獲得廣大人氣時，冇乘勢接新作品，反而閃電宣布息影到美國留學，重返工作崗位後，先自曝其實前一年想引退，但喺發文前一刻被經理人勸退。但其實胡歌並唔係因得罪人而「被消失」，而係佢為名導王家衛執導嘅劇集《繁花》而犧牲足足3年時間，因為劇集自2020年開拍，到依家都仍在置景及拍攝中，就連劇組由開拍至今，都已有3次向胡歌公開發文慶生，檔期被hold起晒。而上月佢又被野生捕獲身穿古裝拍攝，即隨引起網友猜測佢可能正秘密拍攝《琅琊榜3》。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
