聖誕佳節將至，不少已婚藝人近日紛紛「放閃」，希望將自己的幸福感染身邊人！藝人羅子溢與楊茜堯於本月15日為幼子Eden舉行了1歲生日派對，並廣邀親友的小孩出席，度過了一個難忘開心的下午。事後子溢與堯堯齊齊於社交網上載相關照片，Eden靚仔樣終於首度曝光，子溢更留言：「爸爸媽媽家姐祝你身體健康，活潑可愛。繼續乖乖，食多多，瞓多多，將來高過爸爸。」
子溢受訪補充笑說：「因為我唔係超高嗰隻，梗係將寄望留畀個仔（壽星仔當日玩得好開心？）佢唔係好知咩事，不過疫情比較少帶佢見人，可能佢有啲唔慣，所以化身憤怒鳥咁，哈哈﹗」由於網民指囡囡「小珍珠」長相與他餅印一樣，子溢說：「希望囝囝大咗似媽咪多啲，辛苦太太嘞。」
至於余香凝自從囡囡出生後，每年聖誕都會約相熟攝影師影全家福，照片內手抱囡囡的她不忘與老公咀嘴，搞到囡囡睇到眼定定！她透露：「囡囡上年淨係識坐，但今年已經識跑嚟跑去，難影好多，搞到啲大人追住佢成身汗，不過佢好活躍又鍾意笑，所以大家都讚佢好好影。希望明年再影全家福，可以再多位新成員啦。（有咗？）未咁快，但過完年會努力造人嘞。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
