Yahoo Awards 2022｜古天樂獲「年度風雲人物」 張艾嘉大讚年輕演員專業
《Yahoo Asia Multiverse Buzz Awards 2022》昨晚假九展舉行，獲得「年度風雲人物」的古天樂表示很開心，因證明努力沒有白費，亦感激大家搜尋他。古仔指新年願望希望身體健康及疫情能盡快過去：「因為過去幾年大家防疫都比較攰，想放鬆出去玩。」他又自爆近日身邊很多人也中招，而且更中完又中，所以自己亦很小心，並謂就算是聖誕及新年，因為雙親年事已高，加上疫情未穩定，故不打算去旅行，古仔稱有時亦會在家戴口罩：「有時突然咳嗽一聲，自己都擔心，但始終一齊食飯，好難成日戴。」雖然去年成績理想，但古仔因拍攝新戲，所以暫未有時間慶祝，而他亦正計劃在農曆新年舉辦春茗慶功，問到會否出錢抽獎？他笑說：「唔好成日講錢，不過為咗獎勵大家過去一年努力，加上近幾年都冇一齊食飯，所以先搞春茗。」
【點擊睇古天樂得獎情形】：
早前憑電影《燈火欄柵》成為金馬影后的張艾嘉獲得「亞洲人氣演員」，張姐笑指自己不知道什麼人會搜尋自己，不過能得到這個獎項也感到很開心，張姐指平常沒有經常上網，不過也會搜尋食譜然後跟著煮，問到久未在港出席頒獎禮感覺如何，她指在台上聽到台下狂叫，感覺大家也很熱情，而她亦指近兩年也有認識一些香港的新人：「前一排有同Angela（袁澧林）做戲，有好多新人以前未合作過嘅，都覺得佢哋好專業。」問到張姐是否有留意MIRROR、ERROR等男團及其他女團？她即表示ERROR剛剛有跟她打招呼，問到他們是否來搲撈？張姐說：「唔係呀，見到佢哋好乖，佢哋走咗之後大家喺度笑，我問笑乜？佢哋話好少見到佢哋四個人咁乖、咁斯文。（佢哋講乜？）張姐好，我哋過嚟打招呼嘅，（係咪感覺佢哋想你開戲？）我諗佢哋仲忙過我。」張姐表示明年亦安排了很多工作，故希望能在新年時可以休息：「呢兩年我都好忙，我喺電影發展局入面，要做一個計劃係傳承，帶香港新嘅導演，呢個project我哋開始咗半年時間，明年希望完成呢個project。」
【其他文章】：
莊韻澄歲半囝囝驚爆意外燒到禿頭 怒轟外傭疑博炒hea做
佘詩曼克服雞仔聲首推單曲 入行25年獻聲感激身邊人
57歲羅霖露香肩色誘蔡康年極重口味 事後迷之笑容睇到網民打冷顫
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
|
鍾意就快D Share啦！
|
|
|
