八九十年代當紅花旦陳秀雯，歷年拍下多套經典劇集，但自從2019年ViuTV劇集《教束》與廖啟智鬥戲後，她已經甚少公開露面，轉型做香薰治療師專注個人香薰品牌生意。相隔半年她再度更新微博附上自拍照，穿上粉紅色上衣KEEP住經典短髮，素顏下仍氣息紅潤完全不似已經61歲﹗
麗的電視出身的陳秀雯，曾拍過不少經典作品包括《再見艷陽天》、《壹號皇庭》、《再見亦是老婆》、《馬場大亨》等，演技備受肯定。陳秀雯在2018年參與音樂會演出時就指囝囝已經長大，她準備好復出，後來她接拍《教束》，在劇中飾演副校長，與廖啟智有不少對手戲。近年未有再拍戲，但她曾表示不排除復出：「我只不過係遇到啱嘅先做，我個人就唔勉強嘅，如果嗰樣嘢又啱我，人哋又覺得我啱做呢樣嘢，嗰件事咪OK囉。同埋年齡唔同呢，可能細個嘅時候拍咗啲交到功課嘅（戲），可能因為以前已經經過好多好嘅劇本啦，而家自己嘅體能又唔再一樣啦，真係要遇到覺得自己好有興趣嘅先會再做囉。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
