視帝陳山聰演技毋庸置疑，其囝囝Jaco同樣係「性格演員」，畀面果陣笑晒口表情多多，唔畀面嘅話隨時要硬食黑面，近日佢再展示「變臉」神技，新年期間山聰同多位圈中好友拜年，當中視后佘詩曼難得現身，即時恭喜山聰成為視帝，而Jaco亦似乎相當鍾意阿佘，合照時主動貼到實，兼伸埋手仔手拖手，仲尷尷尬尬咁微微甜笑，明顯對阿佘嗒晒糖。
但到另一日同樣係視后嘅胡定欣向Jaco派利是時，Jaco就黑晒口面，不停轉動定欣封利是，悶悶不樂咁嘅樣，山聰問佢：「嫌封得少？」定欣即時撒嬌：「好大封㗎搵錢好辛苦㗎！你笑吓」但Jaco照樣懶理，當定欣問佢可唔可以錫面珠時，佢更即刻搖頭，連畀面笑吓都唔肯，真係同人唔同命。其實Jaco向來對住定欣都會即時變咗「苦瓜乾」，定欣都慣晒咁表示：「3年你對我的感情依然......冇變，我愛您 JACO！嫌棄利是封得少，愛的互動就係冇互動。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
