歌手張敬軒（軒仔）早前舉行個唱期間確診，經過個多星期休養後近日復工，今日（9日）精精奕奕會見傳媒，只是間中有咳嗽，他透露復原後有出現腦霧，更指發病時高燒至40度，因血含氧量低一度想入醫院，幸翌日起床後已沒大礙：「So Far我冇喉嚨痛，只係有鼻水同埋發燒，到好番先咳，第7、8日變一線。」
他表示未有考究如何受感染，問到6月開騷時會否不接受粉絲送禮物？他說：「都會，因為疫情搞到個人好疲倦，所以我會好珍惜，好似今次開騷，唔知下次幾時再開，見到粉絲送禮物同公仔，我做唔出就咁樣擺喺枱上面，但我媽咪就打電話嚟鬧我，其實好難，自己都做過粉絲。」對於個唱延至6月補數，他預告將有新元素及新歌衫，亦計劃加場：「如果加場會加喺前面，因為有粉絲話要真尾場。（點解要延到咁後？）諮詢過啲醫生，同埋要配合唔同嘅單位，因為通關之後唔知個疫情會點樣，覺得呢個期係比較適合，喺度都想同受影響嘅觀眾講對唔住，我會再睇緊自己多啲，希望粉絲見諒！」
問到傭人姐姐「遮遮」可有中招，他突然宣布「遮遮」將會辭工返家鄉照顧媽媽返港無期，但「遮遮」特別安排自己侄女來港幫手，他說：「其實我不介意跟她整個家族保持合作，但可否不要用同一份食譜呢？我都有問她姪女是否good at congee？『遮遮』毫話︰『No No No,she can cook spaghetti.』」雖然他經常笑「遮遮」的廚藝，但他其實好不捨得對方。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
