二〇年，何沛珈（Roxanne）以何孟珊之名參加香港小姐，雖然表現出色，可惜五強止步，為了挑戰自己，去年她再參加《香港小姐再競選》，一圓冠軍之夢，亦令在天上的媽媽倍感安慰。
現時，主力在《東張西望》擔任外景主持的何沛珈，面對蛇蟲鼠蟻、腐屍尿味，通通都要硬食，難得身為「冠軍」的她，甘願放下身段，她開心道：「唔好將自己睇得太重，作為一個新人，乜嘢都要做，短短兩、三年間，公司真係俾咗好多機會我，就算再辛苦、工作幾艱巨，我都會努力做。」身兼母職的Roxanne，今年願望就是變身「招財兔」，搏命賺錢購入一個物業，送給妹妹，讓她安枕無憂，當真是姊妹情深！
屬鼠的何沛珈，今年犯太歲，所以風水師傅溫馨提醒她，記得抽時間去寺廟「攝太歲」。
早前，何沛珈參加《香港小姐再競選》並贏得冠軍，她表示最開心是可以還了在天國的媽媽一個心願，因為何媽媽生前最想她參選港姐，所以在天之靈一定感到安慰。
為母參選
現年二十六歲的何沛珈，二〇年參選港姐時，雖然以精湛的水袖舞成功吸引一眾網民給予好評，成績卻不似預期，最後她於五強止步。入行前，Roxanne是一名註冊護士，為參選，她辭去這份既穩定又人工高的工作，全因想完成媽媽的夢想，她眼泛淚光的說：「媽媽一直好支持我入行，佢知道我好鍾意表演，所以佢就叫我放棄做護士去追夢，係佢提議我參加香港小姐。入行之後，媽媽冇話一定要我有啲咩目標，咁樣反而令我好內疚，佢仲喺度嘅時候，我冇帶俾佢任何榮耀，冇賺到錢俾佢享福，但媽媽已經好滿足。」
她續說：「每當佢見到我喺熒幕出現，無論係我做《東張西望》採訪，或者拍啲乜嘢都好，佢都會話：『囡囡好靚！』佢係我工作嘅原動力，佢係我嘅粉絲，如果再有機會，我想同佢講一句：『對唔住！我愛你！』我真係好想佢睇到我嘅一切，所以我想同大家講，當你哋嘅父母健在嘅時候，真係要好好孝順佢哋，如果冇做到，將來一定會後悔。」
其實，Roxanne在參選前何媽媽已開始患癌，最無奈的是，何媽媽離世當天就撞正她第一日拍《痞子殿下》，為了讓媽媽見證到她拍劇的成果，她拿着古裝造型照趕去醫院見她最後一面，希望媽媽笑着離開。
新年期間，何沛珈不單止要為《東張》開工，更要拍劇，忙得不可開交；不過，她卻表示，這是最好的新年禮物。
作為《東張西望》外訪主持的何沛珈，坦言幾污糟、幾臭的地方，也試過去做訪問，並笑指自己非常捱得，勇者無懼！
身材玲瓏浮凸的何沛珈，間中也會在社交網向粉絲大派「福利」，難怪被封為「東張女神」。
何沛珈毅然辭去護士工作，全力以赴參選港姐，因為母親在背後大力支持。
|
鍾意就快D Share啦！
|
|
|
