藝人江嘉敏與鄺潔楹（Judy）今日(29日）齊為無綫新劇《新四十二章》宣傳，劇中2人經常孖公仔吵鬧，笑指拍攝時還感染鄭子誠展現其骨子裏開朗一面，問到拍攝可有被劇組投訴太嘈？嘉敏與Judy表示：「都有，但當我哋同子誠一齊同場時，就變咗佢成為被鬧嘅一個，相信大家喺呢套劇會見到20年嚟未見過嘅鄭子誠！」
談到Judy於劇中以爆炸頭亮相，可擔心影響其女神形象？她笑說：「唔驚，反而想每次演出都帶新鮮感畀大家。」而嘉敏則自爆劇中「男仔頭」造型連母親也認不出來：「我叫佢睇宣傳片，佢話搵唔到我喺邊，因為係多咗個仔！」體形較之前腫脹的她，坦承拍攝該劇時比較瘦：「我畀朋友取笑套劇嘅身形係依家嘅一半，因為當時有食減肥餐，加上體力透支搞試過中暑同暈低咗，要瞓擔架床吸氧氣半日。」
而名花有主的Judy，被問到會否當兔年新娘？她笑說：「當然唔做，今年計劃好搵錢，會好好把握防疫放寬機會。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
