台灣女星徐熙媛（大S）同有米前夫汪小菲離婚後，近月佢哋為離婚後嘅生活費公開互鬧，花生遍地，點估到佢哋嘅恩怨去到農曆新年都仲未完，近日大S前奶奶張蘭在直播中透露，徐熙媛（大S）喺新年時，專登Send咗一張一家四口合照畀佢，入面就有大S、現任老公具俊曄、大S與汪小菲所生嘅一對仔女，並且大S發完後就再次將張蘭拉黑（Block），行徑充滿挑釁性，令張蘭嬲到震，要公開指摘佢！見張蘭喺直播中情緒近乎崩潰，隨後仲喊話阿仔汪小菲：「我真想扇你兩大嘴巴，讓孩子認賊作父，窩不窩囊！」連阿仔都鬧埋，真係冇面畀，僅半日時間就為「#張蘭 大S發一家四口合照#」話題帶嚟超過1.3億閱讀量，不過網友就嫌佢得個講字，紛紛留言嗌佢公開嗰張家庭照，以證佢所講嘅係真話。
而大S妹妹徐熙娣（小S）就同老公許雅鈞及細女前往澳洲雪梨探親友，仲被偶遇同朋友喺露天餐廳吹水，但就被網友指小S夫婦「私下零互動」，亦有粉絲幫口斥網友看圖作文。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
