思貝在11962名參賽者中排行第1272名，更是女性參賽者之中的第122名，成績相當之理想。她賽後接受傳媒訪問時表示，1小時47分34秒是自己的個人最佳成績（PB），不過她卻感到不太滿意，覺得自己可以再跑好一點：「PB咗，但係我想好少少囉，我都有愧於師父。」
蔡思貝的長跑老師吳輝揚為前香港華人馬拉松紀錄保持者，在香港長跑界相當有地位，他見到思貝的成績其實都感到相當滿意，否認思貝所講的「有愧於他」：「因為今日嘅天氣影響咗發揮，其實咁都PB到都真係幾難，亦都係好好表現㗎喇！咁嘅天氣都要好謹慎處理，唔可以夾硬嚟嘅，有咩意外就唔好啦，我都好滿意㗎喇！」
思貝憶述自己在兩個月內大約操了30課，平均隔日就操練一次：「我記得我12月13號message師父話『嚟喇操喇』，今日啱啱好12號，真係啱啱兩個月。我一直都好緊張，但都同自己講，都盡咗力！」被問到賽後最想做甚麼，她表示想繼續進步，時間再做好一點。
【渣打馬拉松．多圖】蔡思貝半馬勁快跑完：比目標時間快咗2分鐘
本文作轉載及備份之用 來源 source: http://www.hk01.com
|
鍾意就快D Share啦！
|
|
|
