足球博彩神器，每日重心提供盡在《彩報》：http://win.on.cc/football/
每年2月4日係世界癌症日，多蒙特「抗癌鬥士」施巴斯坦賀拿就喺呢一日，拎到佢代表多蒙特首個入球，協助球隊主場5比1大炒弗賴堡。多蒙特為響應世界癌症日、兼支持對抗睾丸癌嘅施巴斯坦賀拿，開波前特別將中圈額外加上代表睾丸腫瘤嘅線條，呼籲各界關注。
施巴斯坦賀拿上年夏天加盟多蒙特後，即被驗出患上睾丸癌，德甲歇冬後已經復出，今場世界癌症日對弗賴堡，正選上陣嘅佢頂入加盟後首個正式賽事入球，幫球隊領先到3比1，而多蒙特最終大勝5比1完場，德甲4連勝後升上積分榜第3位。
施巴斯坦賀拿賽後表示：「呢個入波對我意義重大，呢個係我為多蒙特入嘅第1球，我由加盟第一日開始已經期待呢個場面，我好開心，當入波嗰一刻，我覺得自己同整個球場、隊友融為一體。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
