導演張婉婷執導紀錄片《給十九歲的我》是非不斷，先後被受訪主角阿聆及阿佘指控片方不顧反對意願堅持公映，再被「牛下女車神」李慧詩聲討未經同意擅用訪問片，導致電影急急停播。張婉婷今早於電台節目向阿聆公開道歉，指：「對佢唔住」，並隔空對阿聆說：「你開心返啲啦，我哋依家唔做喇。」她又向李慧詩表示：「如果李慧詩唔知情，我都想打電話同佢道歉。」
此外，今日再多一位片中主角「香港小姐」（片中稱呼）發文，指當日團隊聲稱「所有人已經簽咗名，剩係得你未簽」，令她在未清楚情況下急急簽署同意書：「佢哋完全冇同我交代成個事情嘅來龍去脈，所以我一直以為呢一套電影全部都係好評同埋一切都好順利。我當時就抱著一種心態，就係話既然係一個咁有意義嘅電影啦，公開自己小小嘅黑歷史都唔係話唔可以接受嘅。」又表示因早已離港生活，故電影上映對她未有太大影響，不過亦明白阿聆的處境：「唔應該將自己嘅快樂建立係人哋嘅痛苦身上。」
而網上亦流傳一段影片，是昨晚（5日）張婉婷在旺角戲院出席電影分享會時，有名情緒激動的光頭男邊行邊爆粗，狂鬧張婉婷：「你個濕X導演，喺度借𡃁妹上位，呃𡃁妹錢，喺度食人血饅頭，你絕子絕孫啦，X家鏟！」張婉婷即被嚇親，並在工作人員護送下離開戲院。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
