裕美與林作在中環半山屋企接受開HOY TV節目《有種老闆娘2》訪問。經營網上生意的裕美指最初做生意既因為林作不會養她，更希望她養埋對方，所以很用心做生意，最初林作對她做生意更大潑冷水，她說：「我就要做畀佢睇，喺冇資金嘅情況下，同唔同公司合作，最初賣袋，之後再經營珠寶訂製、批發同古董珠寶嘅生意。」
裕美自言在娛樂圈打滾多年，信錯過不少人，練成閱人的觸覺，林作更找她幫眼過目挑選下屬。問到揀男友是否很有眼光？她笑說：「佢揀我嘅，我係被迫接受，不過，佢雖然口臭，但個人係幾好、正直嘅。」
林作笑言能達成男人的願望食軟飯感到高興，相信不少男人也會視他偶像，現在他在背後為女友斟茶遞水熱水，夜晚休息時候奉獻體力，裕美笑說：「你嗰1分鐘體力呀？」林作說：「你日理萬機，分分鐘都係錢，唔好阻你咁耐。」
問到裕美再有甚麼生意想做？她笑說：「有人提議我做性玩具用品，但係要試用過先，同佢就冇興趣用，或者等佢自己試完話畀我知。」林作笑言樂於做試用員：「佢已經證明咗自己，佢搵到錢我願意配合。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
