飾演男護士的嘉洛登場形式甚有氣勢，為了制服因力抗打針而失控的男病人，先是一個箭步飛躍上天，再來擸「架生」遮蓋男病人雙眼，兼以光速「手起針落」，型到冇朋友，令全程旁觀的Mon姐（江嘉敏飾）起勢心心眼。
有別以往的陽光及搞笑形象，嘉洛今次轉行Cool爆路線，對Mon姐從不「口下留情」，兼且眼神盡是藐視，十分過癮。不過嘉洛事後卻笑言「黑臉有難度」，並謙虛謂：「所以祈求下次做得更好。」至於江嘉敏為了拍好前晚一場與陳豪被壞人「追足九條街」的戲份，原來跑足一整晚，由晚飯時間一直跑至近乎天光。
另一特別角色則為飾演螢嬌（龔嘉欣飾）好同學竹姬的史穎喬，有「翻版梁詠琪」之稱的穎喬，第二集甫出場已引起熱議。史穎喬於2020年因參加《衝上雲霄大選》而加入無綫，私下亦是中國研究系碩士生，中文水平相當不俗。由於本身鍾情中國文化及古典文學，閒時又會彈古琴寫古文，中文根基紮實，因而獲劇組邀請擔任劇集中文顧問。不過穎喬受訪時謙稱自己只是和劇組「純粹交流」：「都係講吓以前上堂嘅嘢，例如教授平時上堂會講啲咩，或者有啲咩特別嘅口頭禪之類。」
談到與龔嘉欣Katy勁多對手戲，穎喬透露二人當年於《衝上》已有一面之緣，當時她的演出正是嘉欣《香港愛情故事》中的角色。穎喬透露這次重遇嘉欣，對方不但認得她，更於試造型當日已互相「抄牌」方便日後聯絡。除了感激嘉欣拍攝期間給予不少指引外，穎喬坦言有幕胸襲戲更是全靠嘉欣主動才順利完成：「場戲要我摸落佢個胸度，我唔敢摸，佢就一嘢捉住我隻手揸落佢個胸度。」
昨晚一集亦有講到陳豪飾演的章經，自師弟沈學龍（劉家聰飾）重傷爆血登門後，身邊即不斷出現「42」這個數字，貼題得嚟又懸疑。為了突顯「42」無處不在，章經就連出浴亦沒有喘息空間，造就了足足五秒時間長的陳豪出浴鏡頭。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
