昨晚表現最亮眼的，是獻唱《半夢半醒之間》的李佳。校長譚詠麟指廣東話版《半夢半醒》好多人聽過，但普通話版的《半夢半醒之間》則別有韻味，校長更即場高歌數句普通話版，表現精彩。擅長唱普通話歌的李佳以Bling Bling戰衣上陣，出色的演出駕馭整個舞台，最終獲得89分成為昨晚一集最高分，校長大讚：「你係一個唱將，一個好唱得嘅人！」張佳添說：「你依家係從容不逼，但係振振有力。」伍仲衡則說：「你係進步得最快，你最初好多技巧，但依家聽到味道。」
至於最感人的洋蔥位，是本集被淘汰的魏嘉信。獲太太到場支持的魏嘉信，在台上發表感言時，不禁淚崩說：「老婆，一路都唔想你嚟睇我比賽，係因為唔想你睇到我輸，反而今日好開心，因為有你喺度，冇晉級到都唔緊要，你一直喺度支持我，解開咗我嘅心鎖。」之後嘉信再向太太發表愛的宣言：「成個比賽係我同你一齊參加，如果冇你喺背後幫手同支持，冇可能走到呢一步，真係要好多謝我太太，我係好愛好愛好愛你。」場面感人。
《中年好聲音》12強選手日前合體拍攝《不再猶豫》MV，3分鐘足本版本將於今（6日）晚8點半翡翠台首播，「See Saw 先」社交平台亦會同步播放。由《中年好聲音》12強合唱的《不再猶豫》邀來評審之一、資深音樂製作人伍仲衡為歌曲重新編曲，有別於原唱Beyond的版本，歌曲前半部及後半部細緻的音樂鋪排，充分表現了一班「好聲音」追夢的心路歷程，伍仲衡還會為12強精心分配一人一句獨唱，以凸顯各「好聲音」的個人特色及長處。今次MV造型十分吸睛，12強選手齊齊化身Rock仔Rock女，造型以紅、白、黑為主色Tone，再加上皮褸、鍋釘等元素，型爆十足兼Rock味勁濃。整個MV製作過程並剪輯成《中年好聲音 不再猶豫越戰越強》節目，安排於周五 （10日）晚上11時55分播映。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
