藝人蘇韻姿憑無綫處境劇《愛．回家之開心速遞》中的熊心如一角而為人熟悉，但由於有指她經常遲到和演技差，自去年12月起已被飛離《愛》劇未有參與拍攝，至今亦未獲新工作安排，雖然未能於公仔箱與觀眾見面，但她仍不時更新社交網與粉絲保持互動。
她日前於社交網晒出多張靚相並留言：「早晨！Happy Sunday！喜歡一起床就有精靈的眼睛。」穿上純白小背心、外面披上一件藍白格仔睡衣的她輕露香肩，加上一雙水汪汪眼睛，性感得來又健康。大批圈中好友包括周嘉洛、劉穎鏇、姚子羚及郭柏妍等均按讚讚好，粉絲們則紛紛留言大讚：「睇到有"心跳"的感覺」、「素顏天然美」、「呢條線路啱你」，亦有網民留言表示掛念：「幾時8:00先係鏡頭前見得番3e（三姨）」、「入得返末呀？你走咗，都冇睇愛回家了」、「幾時都咁靚，好多人等緊你回家呀」、「紅衫魚你幾時返嚟呀？」，有網民就回應了一句：「上次恭業（龔燁，張景淳飾）雪左半年，今次可能差不多」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
