「玉女掌門人」周慧敏經常深居簡出，雖然時不時都會現身力撐圈中好友，不過愛低調嘅佢通常都唔會搶好友鏡，只係閒時上載吓生活日常咁，不過近日網上突然瘋傳周慧敏已經作出離婚決定，仲同老公提出離婚請求！
爆料者更稱佢本人並冇喺社交平台上更新離婚相關，應該係處於程序中，所以唔方便同大家講。爆料中更聲稱，周慧敏之所以可以提出離婚，係因為佢已經將財產全部轉移，包含夫妻共同財產及老公個人財產，總共超過10億。而呢啲所謂資產，都被女方轉移到其他地方，依家兩人帳戶上都處於清空狀態，就算係離婚做財產分割，老公一分錢都拎唔到。
忽然傳出如此誇張嘅婚變傳聞，周慧敏似乎都有留意到，尋日（12日）就故意上載雀仔相，親自回應傳聞，留言指屋企有野雀停留，佢同老公都好歡迎對方：「在家裏都能夠賞鳥，讓我和先生都感到好快樂，更讚嘆造物主實在太偉大了。❤️ 」曲線證明情未變，兩人依然感情深厚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
