今日係4月28日，農曆三月初九，通勝話今日宜祭祀、飾垣。最旺生肖係馬，屬馬嘅朋友事業旺，事業運會突飛猛進，面對有競爭都毫無懼色！雖然做得藝人工作環境一定充滿競爭，不過索爆嘅馬國女神林明禎應該冇乜對手，因為佢靚同身材掂之外，拍戲一樣出色，周街都係佢廣告都好難同佢鬥。早排明禎仲有份角逐《第41屆香港電影金像獎》「最佳女配角」，不過佢坦言好擔心自己會受年紀限制，唔知仲可以可愛幾耐。相信你仲有好多面可以畀觀眾睇，唔止可愛，仲可以係性感係專業嘅形象！依家先32歲慢慢發掘啦，你事業依家仲要突飛猛進，一定無敵！
至於屬雞嘅人運氣會好轉，今日最啱出門，會有唔少得着。屬雞嘅余文樂都真係需要轉一轉運，早排佢旗下潮牌嘅北京店結業，但仲被網民話佢清貨優惠得7折冇嚟誠意，之後又被人話佢顏值崩壞，我係你今日就一定出街轉運！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
