4月26日即農曆三月初七，通勝話今日宜動土、立約同移徙。最旺生肖係牛，你哋今日桃花好旺異性緣極佳，單身人士要注意有斬獲桃花嘅機會！唔講真係睇唔出牛女李冰冰今年已經50歲，佢勁多緋聞但就遲遲未婚。冰冰話過會將財產留晒畀兩位寶貝外甥，不過世事好難料嘅，你keep得咁好今日異性緣又旺，隨時搵到個人開開心心一齊生活！
屬馬嘅人今日鴻運當頭，有貴人支持謀事勝券在握，屬馬嘅成龍咪做咩都勁順利呢？睇番由成龍主演嘅電影《龍馬精神》，事前引起網民微言，認為佢同劉浩存嘅父女情節難以引起共鳴，又出現成龍借客串嘅吳京過橋谷內地票房，但《龍馬精神》嘅票房只有兩億人民幣左右，的確令人意外；另外佢喺另一套新片，又同30歲娜扎有感情戲，畀網民鬧「爺孫戀」，又用易烊千璽做例子話電影公司只係鍾意投資流量藝人，結果又畀網民圍剿！雖然面對是是非非，不過都唔會難到人生經驗豐富嘅成龍大哥，今日仲要鴻運當頭，咩事都解決晒
本文作轉載及備份之用 來源 source: http://hk.on.cc
|
鍾意就快D Share啦！
|
|
|
