今日係4月12日，睇是日星座運程之前，不如挑戰吓IQ題，有個三代同堂嘅家庭閉門失竊，邊位嫌疑最大？想知答案就要睇《星語》喇！入正題先，今日嘅幸運星係巨蟹座，巨蟹座嘅朋友幸運指數排喺榜首，可以喺財政上立於不敗之地。巨蟹座嘅方媛雖然已經貴為天王嫂，但仍然冇放棄工作，自然財政穩健。另外佢近日接受內地傳媒訪問，罕有講起女兒，佢話大女「大寶」遺傳咗爸爸郭富城嘅跳舞天份，另外自己唔會強逼女兒，做佢唔鍾意嘅事，堅決向「虎媽」說不！
獅子座嘅朋友凡事都由理性角度思考嘅話，生活就可以漸入佳境。獅子座嘅蔚雨芯不嬲係義氣仔女，不過有時理性啲分析事件，就可以避開好多陷阱喇！
處女座嘅朋友愛情運好唔錯，感情生活稱心如意，甜在心頭。處女座嘅陳庭欣同男朋友感情不嬲好穩定，會唔會趁今日傾吓再進一步呢？
本文作轉載及備份之用 來源 source: http://hk.on.cc
|
鍾意就快D Share啦！
|
|
|
