首位進軍日本AV界嘅香港女優素海霖（繪麗奈），甫出道即爆紅，不但處女作登上銷售榜冠軍，更獲日本傳媒封為「絕世美女」，而素海霖亦乘勝追擊趁勢推出簽名見面會回饋粉絲！
素海霖親力親為籌備嘅見面會將於5月31日香港舉行，佢亦喺社交網透露：「雖然是第二次舉行見面會，不過也是一個人去處理所有事情，如有任何小出錯，請大家多多見諒，會盡快處理。另設限量版周邊商品（限量200件發售）。」雖然素海霖見面會嘅日期同時間出咗嚟，但詳細地址就未有公布，僅公布咗見面會入場費為150港元，預售價130港元，當中包括簽名會握手券、飲品及小食外，更可以提供一樣物品畀素海霖簽下含署名及字句嘅簽名。不過就有網友唔賣帳，認為太貴「Cap水」等，雖然見面會被指太貴，但亦有唔少網友暖心支持，表示會請假出席外，更期待攞到簽名及買到紀念品。
對此，素海霖亦表示係「良心價」，並會加入係下次見面會上嘅舉辦考慮因素之一，另外亦遺憾透露係自己疏忽咗，因為月尾太忙時間不多，但又為咗遵守諾言惟有揀係31號，並強調假日難搵地方！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
