鄺潔楹（Judy）今天出席劇集《一舞傾城》宣傳活動。由於《香港01》收到匿名者的獨家爆料，指Judy富二代男友Ricky Yung開的Omakase餐廳陷入財困，更有幾十萬裝修費未找，由於裝修公司無錢出糧，因此連累基層工人無錢開飯，但同一時間餐廳又洗錢買獎宣傳，而報料人聲稱有法庭文件，顯示欠債100萬，雖然報料人因涉及法庭文件關係未能公開，但是Judy似乎真金不怕紅爐火，今天接受《香港01》訪問親自開腔回應此事。
鄺潔楹指男友財政運作正常
Judy稱：「最近我嘅曝光比較多，所以變咗有一啲人製造一啲不必要嘅新聞，因為以我所知，佢嘅財政所有嘢都係正常，佢都冇擔心啲咩，所以我諗有啲人係想透過呢個途徑，可能去獲得一啲好處，可以話係不實嘅報道。」 鄺潔楹續指男友無收到任何威脅，但不排除有人搞小手腳：「至少我覺得如果嗰個人覺得可以咁樣影響到我，可以借助我名氣去搞呢啲咁嘅事，咁我覺得，至少可以話可能係我最近多咗人識。」
Judy同拍拖年幾的富二代男友Ricky Yung愛得火熱，如男友真遇財困，自己亦不會袖手旁觀：「首先我哋都OK，如果你話去到有財政困難，我都唔會袖手旁觀，不過多謝大家關心，咁我哋都非常健康地生活緊。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
