張敬軒推出今年首支派台作品《隱形遊樂場》，歌曲推出至今11日，MV除了達150萬收看次數，更連續10日登上網上影音平台的熱門音樂影片首位，歌曲亦高踞各大音樂串流平台音樂榜榜首，足證歌曲受歡迎。
對於歌曲獲得佳績，軒仔謂：「因為都差唔多成年冇出歌，加上呢首歌除咗係自己作曲，喺MV部分亦都參與咗好多，真係可以話係嘔心瀝血，所以見到依家呢個成績，好感恩，希望首歌之後會有更加好嘅表現。」
對於歌迷紛紛疑問軒仔為何未有現身MV，軒仔解說原來是有驚喜給大家：「因為有第二首MV囉，我哋今次決定派唔同嘅version，好似打機咁，希望支持我哋到某一個數嘅時候，成就解鎖，就會有一個新版嘅MV釋出。都可以預告一吓，第二個MV會見到我，同埋Full cast 嘅畫面，嚟梗好快就睇到喇。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
