「我哋所見的都係假像」
金成問到發哥拍攝多部經典作時，會有感到當中是有所不同，有種預感會成為經典。發哥沉默了一會答︰「我講你知，我哋所見的都係假像，唔真，只係有人用菲林記錄下來，我在現場做完之後已經丟了，不會刻意記住。」發哥覺得成與敗早有定數，一部戲的成功與否不是他可以控制。
發哥更以《英雄本色》做例子，「好多年後聽番製作人講，好多時部戲角色第一選擇，唔係周潤發，我喺呢行幾廿年嚟，好多時係執二攤執到金，就算係《英雄本色》阿Mark，原定係鄭浩南唔係周潤發。」
「荷里活大製作邊有得你改動」
雖然角色不是度身訂造，但拍攝時總可加入個人元素，令角色更周潤發。「當然有些場口是由演員自己豐富入去，有些東西不是三言兩語可以講晒，因為你經歷過，同導演講又接受時，演出來就多一個層次。」發可更分享演技就是在生活︰「生活的小節賦予我令角色豐富，不止是做出來，以前做過，有這經驗演出來會神似啲。」
周潤發在香港闖出名堂，去過荷里活拍戲，又到內地拍大製作，三地來說，發哥仍然是鍾意港產製作。「香港電影當年由廠景出到拍外景，要拎機腳，拎反光板，又在山上拎松枝當柴燒放煙，好家庭式手作仔，我好鍾意呢種感覺。我哋就係咁樣起家，好似一間工廠仔，所有員工圍威喂，開飯就整張檯食飯，食完飯又再開工，人與人之間的創作，就是坐埋一齊有咩唔掂就度好去。荷里活大製作邊有得你改動，你講呢句就呢句，你行呢個位就呢個位，好死板，你唔會鍾意呢種制度。」
點擊睇訪問原片
本文作轉載及備份之用 來源 source: http://www.hk01.com
|
鍾意就快D Share啦！
|
|
|
