6月22號即農曆五月初五，亦係端午節！今日宜祭祀、理髮仲有會友，快啲趁端午節假期出去玩，食個糉是日最旺生肖係雞，人緣好旺，去聯誼見吓朋友一定會盡興而歸。屬雞嘅袁偉豪，見得最多嘅一定係佢老婆張寶兒啦，袁偉豪依家極少拍劇，連出席活動同拍旅遊節目，都係夫妻檔上陣！張寶兒早排仲宣布有咗BB，真係恭喜晒佢哋！就嚟做人爸爸嘅袁偉豪，都難免緊張大師上身，話自己不停睇緊BB衫啦。不過今日話你應該去聯誼，去見朋友喎，不妨真係搵下兄弟出街，一定都好開心，話唔埋仲有意外收穫！
至於今日嘅幸運星係天蠍座，你哋嘅運勢好到令人勁羨慕，身心狀態都極好。索爆鏡嘅岑麗香（香香）亦係天蠍座，網友不嬲都好Buy佢個甜美靚樣，雖然婚後佢專心相夫教子，所以少咗幕前演出。但香香都冇忘記班粉絲，成日更新社交網，仲會派吓福利，見到佢啲相大晒誘人身材，養眼到不得了呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
