7月7號係農曆五月二十，亦係廿四節氣入面嘅小暑。雖然天氣未到最熱嘅時候，但都要記住唔好喺強烈陽光下暴曬，要注意飲食避免中暑。今日幸運星係天蠍座，你哋幸運指數排第一，生活稱心冇煩惱。咁就真係恭喜黃曉明，因為佢就係天蠍男，佢事業愛情兩得意，生活又點會有煩惱！黃曉明感情方面特別精彩，離婚冇耐就同網紅葉珂傳出緋聞，當大家認定呢對情侶，曉明早排又被人影到同演員趙仕瑾頻頻出街！
佢哋先係齊齊去包廂睇戲過二人世界，再夜蒲酒吧，之後黃曉明仲情不自禁喺街摸趙仕瑾屁股，全部被人影低晒！雖然曉明又係例牌冇回應，不過睇得出佢完全不愁寂寞，新歡趙仕瑾仲同Angelababy同框過，大家都覺得佢哋好似樣喎。
是日最旺生肖係豬，你哋極順利運勢超好，無論係工作或者生活都稱心如意。女神朱茵就係屬豬，早年參加完內地真人騷《請吃飯的姐姐》後再度神隱。雖然冇幕前演出，但早排被網民喺葡萄牙野生捕獲，素顏出鏡一樣勁靚，超凍齡完全唔似51歲！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
