CoCo（左）二姊Nancy（右）憶述妹妹生死一刻。
李玟（CoCo）自殺送院不治，令全城震驚，二姊李思林（Nancy）接受東網獨家專訪時，她表示自從CoCo在本月2日出事入院至今，她都沒有睡過，不敢相信妹妹會輕生，直言:「我個心好似粉碎咗！每次行入病房睇住妹妹的心跳儀器、呼吸儀器指數，每一秒發出嘟聲，就好似被打釘，成個人震晒，因為醫生話佢隨時走，叫我哋作最壞打算。」
Nancy稱媽咪是一位中醫，不肯放棄堅持要救CoCo，「CoCo送入院初時，已經話無得救，叫我哋放棄，醫生話妹妹腦細胞已經死咗，但媽媽唔肯放棄，由9點鐘企到11點鐘唔肯坐低，為盡最後努力，睇到好心酸，白頭人送黑頭人。我媽咪未夠40歲就寡婦，一個帶大我哋三姊妹好辛苦，我媽咪今年86歲，我哋求醫療團隊畀機會我媽咪、畀機會我妹妹，就算一線生機都唔好放過，請佢哋幫手，好多謝醫生護士，好盡心盡力好感恩。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
