今日係7月11號，農曆五月廿四，通勝話適合醞釀同成服，即係今日好適合製酒醋醬，今日嘅幸運數字好特別，係2、12同埋22。最旺生肖係羊，屬羊嘅人今日事業旺，而且生活稱心，不但神采飛揚，而且工作更係順順利利。胡杏兒就係屬羊，呢幾年杏兒北上發展，拍咗唔少新劇，8月份仲有新戲《暗殺風暴》要上映，飾演張智霖嘅女朋友。
另外佢經常喺微博晒恩愛，同老公好Sweet，一家五口樂也融融。今日運勢咁好，除咗出去見吓製作人，都要留個時間陪吓屋企人，仲唔係事業家庭兩豐收！
今日嘅幸運星係白羊座，你哋嘅桃花運非常好，享天時地利人和，感情生活可望如魚得水。台灣女星陳喬恩就係白羊座，上年同細佢9歲嘅富二代男友曾偉昌登記結婚，二人婚後經常放閃。
前排陳喬恩就被影到身形略為臃腫，令人外界猜測佢可能懷孕，不過曾偉昌就喺社交平台Post咗陳喬恩泳池游水嘅片，片入面嘅佢身材勁Fit，仲不經意露出事業線呢，身上零贅肉之餘，懷孕傳聞亦不攻自破，不過觀眾都希望你可以帶來好消息呢，今日不妨同老公出去拍拖，一定可以再增進感情！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
