「譚校長」譚詠麟紅足幾十年係樂壇嘅大哥大，最近溫拿仲開演唱會添！不過宣傳期間就見到校長瘦到成個落晒形，原來係中暑激瘦17磅呀。不過據知佢已經好番晒，話自己身體慢慢重上正軌叫大家唔使擔心，仲喺屋企甫相報平安見佢面色相當好，點知就意外曝光自己間半山豪宅！
雖然譚校長做運動做到身水身汗，但網民都係留意佢背景多啲，譚校長明顯住喺高層視野勁開揚，望嘅仲係中環甲級寫字樓加維港景色，屋企都望到嘅維港夜景勁巴閉！
睇返譚校長之前啲相，今次絕對唔係特登出露台影相曬靚景！因為佢個露台係大到放得落成部跑步機，真係日日望靚景做運動勁寫意㗎。講過鍾意睇魚樂無窮嘅校長，屋企仲有個巨型魚缸養魚添！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
