《星級煮意》升級版，黎諾懿繼續深度訪問陳星妤。星妤今次大展廚藝炮製冰粉甜品，連本身唔食甜品嘅諾懿亦大讚好味，靚女果然有着數！自《一舞傾城》出街後，星妤知名度大增，但佢卻因為工作太忙嚇退追求者；佢更表示自己若再做一樣嘢，無綫高層就會炒佢她魷魚！
星妤樣貌甜美身材火辣，但佢大呻因為工作忙碌，已經單身2年，諾懿笑指2年並非一個長時間，叫佢返回到公司唔好四圍講，因為無綫好多明星，都已經大段時間冇拖拍！星妤指入行後，堅冇時間同男生建立關係；而身邊嘅潛在追求者，亦因為佢經常離開香港，覺得冇時間見面而打退堂鼓。星妤指依家以事業為重，就算遇到心儀男士都怕耽誤人，所以唔會主動作出追求。
成名之後，唔少網民批評她戲屎、造作又整容，佢話初時都唔識面對，但之後明白如果對批評太耿耿於懷，只會更影響心情。咁究竟無綫最介意星妤做啲咩，再做就炒佢魷魚咁大鑊？想知就要睇片喇！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
