今日係7月22號，農曆六月初五，宜祭祀、入學，今日好啱報讀興趣班喎。幸運顏色係白色，最旺生肖係蛇，屬蛇嘅咁多位財運旺，喺理財方面容易有貴人指點迷津。屬蛇嘅張艾嘉早前憑文藝電影《燈火闌珊》，喺馬來西亞國際電影節上榮獲「 最佳女主角」提名 ，最後更在電影節獲得「終身成就獎」。希望佢今日可以食住個勢上，繼續吸多啲金。今日除咗屬雞旺，屬羊同屬猴都好好架，人際關係上升，約下朋友仔出街，彼此關係變得更融洽，同人相處容易有得着。
今日嘅幸運星座係山羊座，會獲得幸運之神眷顧，喺感情生活方面更是如魚得水，各位情侶或者夫妻可以趁住今日拍下拖，將你哋嘅感情昇華。「愛妻號」張繼聰就係山羊座，向來同老婆謝安琪非常恩愛，成日喺社交平台放閃，但早排佢大仔張瞻中學畢業，就淨係掛住個仔，忘記咗老婆咁喎，希望佢會趁住今日運勢，同老婆二人世界啦。至於雙魚座嘅各位，今日全日身心都處於極佳狀態，可望度過美好的一天。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
