今日係7月10號，農曆五月廿三，是日最旺生肖係牛，牛仔牛女今日會遇貴人，而且貴人助力強，事業上有機會一展所長。牛女高海寧（高Ling）最近又派福利啦，着住小背心喺浴室前面狂擺pose，胸部曲線表露無遺，34D上圍big爆效果勁震撼！
最近佢仲參加TVB帶貨直播，貼身晚裝上陣，S型身材真係超級索，佢唔止睇得仲有成績，經過長達9個鐘無間斷直播，最終全場銷售額突破1億人仔！其實高Ling帶貨好有經驗，之前喺內地拍抖音兼直播帶貨，三個月勁賺七位數人仔，冇幾耐就由酒店式住宅搬入九肚山豪宅，依家TVB又睇見你呢方面嘅天份，堅係有得一展所長喎！今日再遇貴人，事業好難唔掂。
今日幸運星係雙子座，你哋運氣好到不得了，可以喺職場競爭入面佔先機。黎諾懿就係雙子座，大家呢排肯定成日見到佢，TVB勁多綜藝有佢份。除咗做主持叻，諾懿近年做埋慈善騷監製，仲話再挑戰就要是做香港小姐競選、台慶呢類大騷，果然係有實力先會咁進取！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
