藝人陳貝兒（Janis）主持的《無窮之路3》經過兩個月以來的「上山下海」進行拍攝，日前宣布正式煞科。Janis一cut機即趕往東莞商演，認真風塵撲撲，她笑說﹕「喺西藏拍完後一個shot，就要即刻去林芝，然後乘飛機到深圳，再轉車到東莞，鏡頭前後我都係不斷咁同時間競賽。」
飛機途中她不忘寫下煞科感想，好讓自己日後回味﹕「人生人山人海人來人往，自己自重自愛自由自在，感謝沿途遇上的每一張臉，感謝沿途經過的每一道風景，感謝新疆、感謝西藏、感謝團隊、感謝今年的夏天﹗」事後她再受訪表示﹕「今次拍咗兩個月，試過中途由新疆趕返香港做騷，然後再直踩上去西藏，行程緊密，我前後一共瘦咗10磅。據聞因為要拍呢個節目，公司幫我推咗唔少外快工作，而我返嚟小休後，下星期又再返內地開工嘞。」
最令Janis感恩的便是今次短暫返港，可以與擔任溫拿演唱會監製的爸爸陳永鎬慶祝生日﹕「佢要喺紅館開工，我哋就去幫佢慶祝同一齊切蛋糕囉，其實紅館都係一個我充滿回憶嘅地方。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
