賽前身材成焦點的郭珮文以及陳霈錤於港姐決賽入到五強，但可惜最終未能奪得任何獎項。事後兩人接受訪問，不約而同表示沒有失望，郭珮文表示：「已經好開心，超額完成，都知自己有好多不足。」陳霈錤亦指沒想過奪冠，只享受過程，對於宣布冠軍時，不少現場觀眾大嗌她的號碼，會否令她在那一刻覺得自己會贏？她謂：「我當時嘅心情係希望快啲完，因為想除咗高跟鞋同屋企人返屋企食嘢，所以宣布一刻係興奮嘅，可以快啲返屋企，同埋知道有好多人支持自己都開心嘅。」
問郭珮文覺得自己點解會輸?她謂：「應該係笑容不足，但呢幾個月都覺得自己進步好大，好多人支持自己，今晚屋企人都有嚟。（會唔會入行?）有機會都想。（社恐好番?）好咗好多。（頭先有冇緊張到捽手?）唔知，都有捽一、兩下啩。」本身是小學教師的陳霈錤亦坦言想入行：「乜嘢演藝工作都想試。」郭珮文則指想拍劇同做飲食節目，因自己本身好喜歡食嘢。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
