今屆港姐結果塵埃落定，賽前大熱之一嘅「翻版蔡思貝」郭珮文大熱倒灶食白果，當晚佢嘅親朋戚友都有到場支持，意外揭露原來其背景好猛料，其舅母張金瀟係內地超模，更係模特兒學校創辦人，於內地十分有名，來頭不少。身高米八張金瀟於2000年開始擔任模特兒，奮鬥多年終在2011年奪得世界超级模特大賽中國冠軍賽冠軍，躋身國際，近年更登上不少內地節目擔任評判及導師，努力培育新一代。
另外，無綫娛樂新聞台直擊出爐冠軍莊子璇回家，獲家人送西瓜、鮮花及香檳迎接，佢驚喜表示：「我見到都嚇親，啱啱講完想食水果就有水果喇！」莊子璇指數月來辛苦家人，尤其哥哥車出車入，又大爆原來家人一直希望佢參選，多年來不停推動，今年終因為未搵到實習工作而決定放膽一試，否則就同港姐冠軍無緣，佢表示：「佢（哥哥）本身已經幫我填好晒所有嘢，爭撳嗰吓啫，我都好猶豫報唔報好呢？因為咁啱好今年我未搵到Intern（實習），冇乜嘢做，就覺得可以試吓，都係一個好好嘅經驗。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
