在接受訪問時，肥媽對於再次成為評審都大表開心：「好開心，睇到個個出嚟有好成績，唔理你中唔中年，只要有機會你肯去嘗試係得嘅。」而今年有不少曾做過幕前或歌手的參賽者，問到會不會對這些人較為嚴格，她就二話不說：「其實我哋得一個標準，就係你唱歌有冇感情，你唱歌令唔令到我感動，我唔理你係邊個，係你本身個聲音，唱歌表演能力，感唔感動到我耳仔，好簡單。」
而在早年曾參加過《亞洲星光大道》的古卓文，是次參賽亦順利入圍。而他亦與肥媽認識，二人更曾一起工作過，因而有網民就質疑肥媽可能有感情分，引來不公平的聲音，對此肥媽就表示：「唔會，我上一次都識好多人，你係得就得唔得就唔得，而家唔係我一個人做，係五個評審，冇得呃人㗎。」強調觀眾的眼睛是雪亮的。
另外，提到原本在今個月中於英國舉行的演唱會宣布延期，問到會不會感到可惜，她就表示：「唔可惜，我個合約延到2024。」她強調因為Visa延遲獲批問題，再加上自身工作問題，所以難以調度才未能順利舉行。續問到有網民質疑是可能售票情況差才延期，她就強調：「冇可能，因為係慈善，佢賣唔賣晒對於我冇關係，我都收咗錢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
