鍾柔美推出新歌《y2k還襯我麼？》，今午（31日）搵來前男團EO2成員Osman（洪智傑）以及E-kids成員Alan（林詠倫）一齊拍片，重現洗腦神曲《魅力移動》。
Yumi表示由於近期工作較多，直到昨晚才有時間排練，但她認為成果已經不錯。問到她對 EO2或E-kids有意識，她表示：「雖然唔係我年代，未必深入認識，但佢哋都好好同好搞笑，好似帶咗我去佢哋個年代咁，都係一個新嘗試。 」Yumi才剛推出單曲，但另一單曲原來亦快將推出，屬於輕快慢歌。「比較日常生活，大家可以更了解Yumi。」
仍在求學嘅Yumi，本應明天開學，但因颱風蘇拉關係，全港學校將停課，Yumi得悉後即時大叫「好嘢」，並解釋最近因為嚴重缺乏睡眠，故預計趁颱風假好好補眠。「因為又要做嘢，又要讀書補習，時間管理係難，但唔算吃力。不過我呢個暑假都有玩同食，好充實。」提到暑假活動之一包括睇Anson Lo個唱，Yumi表示亦有睇容祖兒、郭富城嘅演出，認為可以從中學習，問到是否神徒一名，她說：「都有留意嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
