藝人朱茵在九龍灣出席MakerVille原創劇《反起跑線聯盟2》拜神，10多年後再拍港劇的她指今次被劇本與導演誠意打動而接拍。劇中飾演「魔鬼教師」的她，指一直親身陪伴女兒讀書，接觸老師的經驗大派用場。問到是否嚴格的媽媽？她笑說：「喺我老公、朋友眼中我係嚴厲嘅，我亦都覺得我老公係放任。」
她指有時看見老公黃貫中教導女兒黃鶯太過寬鬆也看不過眼，但也不會當面出聲，情願大家賽後檢討，認為父母教育子女需要互相扶持。講到教小朋友可有拗撬？她笑說：「當然有，好似打機咁，爸爸陪佢打機會課金，我就堅係唔贊成嘅，但係又覺得呢樣嘢係佢哋嘅溝通方式。」朱茵與黃貫中的女兒轉眼已經讀國際學校六年班，問到可會讓女兒在劇集客串演出？她說：「咁又冇，但係對個女都有內疚，因為暑假我要開工，不過都係佢第一次嚟劇集探班，佢亦都覺得演戲好得意，唔會好似細個咁一味呷醋，將來佢想點就隨佢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
