藝人陳凱琳（Grace）同鄭嘉穎（Kevin）2018年結婚至今，一家五口生活幸福美滿。而繼早前2人高調放閃慶祝甜蜜結婚5周年後，今日（23日）夫妻2人再喺社交網高調放閃，老婆陳凱琳仲相當甜蜜咁幫鄭嘉穎搞埋生日派對慶祝，認真羨煞旁人呀！
陳凱琳喺社交網寫道：「老公生日快樂！（遲到的生日帖子）我一直都知道Kevin是一個在簡單中找到快樂的人，這就是為甚麼這個生日我們決定讓這個慶祝活動保持簡約和甜蜜~但為了這讓事情變得更加獨特，我和孩子們創造了這個獨一無二的西瓜蛋糕給他！健康又美味！」雖然鄭嘉穎8月15日生日，不過慶祝生日嘅靚相就拖到依家先甫出嚟，而相中咁精緻嘅西瓜蛋糕，陳凱琳更透露道原來喺佢同仔仔一齊分工合作整出嚟，認真犀利。
雖然唔少網友都畀陳凱琳夫妻二人閃到盲，不過都有唔少網友重點係孻仔Carlos身上，變得肥肥白白勁可愛之外，五官輪廓都精緻到成個公仔咁，特別其中一張孻仔喊到臉都紅埋嘅相，更係令人忍唔住會心一笑，真係得意到暈！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
