藝人江嘉敏近日春風滿臉，頻頻收花似是蜜運中，不過嘉敏之前受訪時表示未有另一半，只是有追求者。今日（15日）有報道指她秘戀富貴醫生，更入住油塘旺宅。對此，江嘉敏接受東網訪問時，直指對方只是朋友，但對於報道中將自己屋企及對方起底就大感不滿，她謂：「其實再係咁亂寫，唔好話追求者，我驚遲啲身邊連朋友都冇埋，我做呢行住喺邊畀人起底都算，但作為朋友，人哋係圈外人，我唔希望朋友因為我而被起底，真係唔係咁好，人哋嘅生活、工作係私隱，寫晒出嚟唔係咁好。同埋咁樣我都唔敢識朋友，今期寫醫生，下期唔知會唔會寫律師、護士，我係女仔嚟㗎，我仲要嫁人㗎！」
嘉敏亦大爆之前因為住址被揭，引來不速之「嚇」，令她大感恐慌，她謂：「之前係有人扮送貨、扮親戚上嚟㩒鐘，下午同凌晨都有，係有人上門騷擾，亦試過畀人跟車，之後影我相，再喺社交網Tag我，令我好唔舒服。亦試過有人尾隨我，話喺樓下等咗我好日，終於見到我真人，好得人驚呀！佢直頭知我住幾多樓，成日私訊我。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
