著名國際大廚楊貫一，上月31日因病離世享年90歲，今日（25/8）於香港殯儀館設靈，讓親友作最後悼念。下午五時許香港粵菜女名廚三姐（蕭秀香）神情外傷抵達靈堂致哀，她受訪時表示：「其實我哋認識咗都有二十年嘅時間，佢為人好好，成日都會提攜關照我哋啲後輩，就好似我哋去到佢鋪頭度，佢一定要請我哋食嘢，仲要一定請我哋食鮑魚。佢喺業界度係好受到我哋嘅尊重同歡迎。（有冇合作過？）我哋就冇，始終我哋層次唔同，佢高好多。（幾耐之前見過佢？）大約喺半年前我哋先見過面，當時見佢都好精神，當收到佢話走咗，我哋係好嘩然，因為我哋喺呢段時間，係冇收到佢有事嘅消息，咁所以知道佢走得咁突然我哋係好傷感，同埋係業界好大嘅損失。」三姐透露半前見過楊貫一。（陳順禎攝）
