Wendy在面試時演唱梅艷芳嘅《蔓珠莎華》參賽，第一次參加歌唱比賽嘅佢心情難免緊張，佢都坦白地同評判講：「我係第一次參加公開歌唱比賽，我好緊張，緊張到肚痛，但唱歌呢團火喺我個心裏面一路燒到現在四張幾嘢，直指遇到《中年好聲音2》，我心中團火要爆了。」雖然表現標青，但勝在夠投入，最終成功入圍100強。
唔少球迷見到Wendy參賽，都留言為佢打氣：「Wendy, 你好有勇氣!!跳舞是你的強項，歌聲亦悦耳，若可加插舞蹈入你的歌內，相信你可以走得更遠!!Good luck」、「Wendy,永遠支持您,你是我球彩台的偶像,恭喜你入圍」、「Wendy，支持你，睇了你十幾年的有線球彩台主持已經好似好有親切感，而且你學歷高反應敏捷，做主持歌手舞蹈三線發展都好」
41歲嘅Wendy 擁有香港科技大學生物系學士和香港浸會大學體育系碩士嘅學歷；曾於有線電視收費台工作了15年，期間擔任有線球彩台主持多年，可說是香港第一代女足球評述員；另外Wendy本身也是一名「舞」林高手，讀大學時已是舞蹈學會嘅中堅份子，而且能操粵語、英語、普通話及韓語4種語言，非常厲害。
Wendy在因緣際會下，於2004年6月參加了有線電視歐洲國家盃賽前娛樂節目《Euro A Go Go》演出，擔任Euro Babes。歐洲國家盃結束後，她試鏡成功，繼而成為有線球彩台節目主持，曾參與《球彩俱樂部》、《超級星期六》及《快樂星期天》。最初Wendy對足球一竅不通，但她肯花心機去認識和學習，故極速已對世界各地球隊有一定認識，她更立志要成為香港一流的女足球評述員。而近年，Wendy嘗試作跨平台發展，主要活躍在網上做YouTuber，除了主持網台同球迷傾波經外，又會在社交平台分享日常生活、扮靚心得及母子相處等，以及拍唱歌片等。
Wendy當年更曾在節目中被球彩台拍檔陳樹鵬當眾下跪求婚，呢幕令唔少球迷印象深刻，二人後來有正式結婚，但過了一段短時間後就離了婚，現在係好好朋友關係。及後，Wendy又和一名韓國籍男仕結婚並生了兒子，但有指都是離婚收場。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
