今日係9月19日，幸運星係金牛座，你哋獲幸運之神眷顧，感情生活可望如魚得水。「發哥」周潤發正正係金牛座，佢同老婆陳薈蓮一向係圈中模範夫妻唔少人好羨慕，但原來佢哋嘅感情都唔係順順利利。發哥拍拖初期講明唔會娶陳薈蓮，搞到陳薈蓮爸爸勁反對佢哋，結婚後又經歷喪女之痛！好在佢哋成功攜手度過，結婚30幾年已經搵到適合雙方嘅相處模式，就係要接受平淡將心比心。
是日最旺生肖係蛇，桃花好旺戀情開始萌芽，要好好把握！馬來西亞「鋼琴女神」李元玲就係屬蛇，佢出名身材好到爆，成日喺社交網大騷勁爆上圍！
雖然女神好靚女但情路好坎坷，原本感情狀況好神秘，點知上年突然甫出同一個男人嘅親密合照！以為公布戀情，但實情係嬲爆講佢前度出軌，出軌對象仲係自己朋友，之後講到明短時間冇辦法再相信男人。希望李元玲經過一年心情好啲，你今日桃花好旺喎，唔好忘記下個一定會更好呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
