吳偉豪日前（23日）隨《愛•回家之開心速遞》大隊到廣州進行宣傳，與內地粉絲見面。吳偉豪昨日出席《你好，我的大夫》宣傳時，提到北上一事極為興奮。「佢哋好熱情，不過聽講馬來西亞啲fans仲熱情，都好期待見下佢哋。（期待賺外幣？）呢啲唔到我決定啦，總之有工作就做好。」吳偉豪表示之前有試過帶貨，但自覺講嘢唔叻，但享受過程，希望有機會再試。
提到爸爸吳大強的工作比自己多，吳偉豪即笑言由《中年好聲音》開始，爸爸無論廣告或工作都比自己更密，對方亦十分享受，但他亦會時刻提醒爸爸注意身體健康。「有提佢唔好咁操勞，但佢真係好享受，寧願花多啲時間去練歌都唔休息，同埋多咗朋友搵佢食飯，佢都唔會say no。」另外，早前直播時，被網友指與韓國男神李敏鎬撞樣，吳偉豪自覺唔多似，直到有朋友將男神照片傳他（並即時展示照片）：「我可能真係有啲似，好似有人將我啲五官Key上去。（會唔會出街執正啲？）唔會，我出街都係踢拖短褲，」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
