36E「無綫咪神」黃婧靈（波波），有着傲人好身材嘅佢因出位嘅言行，畀網友封為「性女」。而成日喺社交網賣大包派福利嘅佢，更係捉緊夏天嘅尾巴，喺社交網晒出搭船出海玩嘅靚相。
早前，波波就喺社交網晒出兩張着低胸衫，坐遊艇嘅性感相，可惜就畀網友無情嘲笑「全身腫脹」，向來敢言嘅波波亦大方回應道：「我呢啲叫健康，唔係個個要瘦到成枝竹咁先叫好！」事隔數日，波波又再喺社交網晒出兩張着藍白間條一件頭，搭船出海睇景嘅靚相，大晒美背及渾圓美臀，寫道：「睇嚟我真係同個大字好有緣！今次叫大乜好？」並Hashtag道：「操得咁辛苦影張相唔過分、呢次真係夏天的尾巴。」至於波波口中嘅「大」到底係指乜，就未有講。而波波翹臀上嘅「微笑線」，亦引嚟唔少網友留言道：「大籮波波。」、「大良牛乳。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
