被問到會否考慮在香港舉行演唱會，他說：「希望今年12月或者出年1月左右會開演唱會。」提到年底將舉行樂壇頒獎典禮，會否考慮再出新歌爭獎，他表示：「自己缺席咗一兩年冇參加過頒獎典禮，唔係話要攞獎，因為都消失咗一段時間，希望大家接納返我聽返我嘅歌。」
提到近日多位藝人因涉及JPEX案件被捕，過去自己有否有投資虛擬貨幣的經驗？他說：「我自己對於投資呢樣嘢，就真係十分之蠢，細個玩股票已經損手爛腳，虛擬嘅嘢我就真係唔夠膽接觸。（股票損失幾多錢？）六位數字，真係唔好話我媽咪知！」
講到好友林穎彤最近官非纏身，有否發訊息慰問對方，他說：「我覺得發訊息慰問加重咗對方嘅負擔，等佢自己去處理反而最好。（有傳林穎彤遭TVB雪藏？）話雪藏呢啲就要睇公司高層決定，擔心都冇用，可能有時做嘢嘅時候見到面先傾吓計，希望佢一切安好！」提到早年上《娛樂大家》時曾被林穎彤爆料衝入休息室為她獻唱，暗指有追求過她，他說：「衝入休息室就冇可能，你知道係女士，我都冇咁大膽，買禮物我記得嘅，佢嗰陣時好似話個叉電線壞咗，我咁啱經過$20條，都買得起所以買咗條送俾佢，佢可以叉電我又偷吓佢啲電，返工嘅時候都幾好。」提到有網民指當時在節目中緊張到一度流汗，懷疑在現實中真的有追求過林穎彤，他表示：「你睇返個節目呢！其實無論我拍緊劇定唱緊歌，甚至輕鬆嘅娛樂訪問我都會滴汗，大家可能神探上身過分解讀，其實我真係一個好簡單嘅一個人嚟！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
