今日係10月15號，農曆九月初一，宜祭祀、會友、嫁娶，最旺生肖係羊，羊仔羊女今日心情超靚，快啲約朋友出街玩，唔少開心嘢等住你體驗呀。林峯就係屬羊啦，佢最近超級忙呀，喺馬來西亞拍完新劇《家族榮耀之繼承者》，就即刻趕返內地，陪老婆張馨月睇蔡依林演唱會，堅係廿四孝老公，兩個人睇完騷，走嗰陣仲喺機場公然肉緊攬攬，冤氣到爆，雖然睇唔到林峯個樣，但肯定好開心好冧，都話要多啲出街玩，大把開心嘢等緊你，同老婆定朋友都好啦，總之就放低工作放鬆吓啦。屬狗嘅人都應該好好咁玩一日，可以為生活增添更多樂趣架。
今日幸運星係水瓶座呀，你哋獲幸運之神眷，感情生活可望如魚得水。鍾欣潼阿嬌就係水瓶座，佢早從離咗婚，感情生活都似乎冇着落，阿嬌之後又參加內地真人騷，畀班小鮮肉狂追不停獻殷勤，感情生活成疑，不過同邊個齊都好，最緊要係開心姐，講明你今日感情生活如魚得水，一定係好甜蜜嘅一日呀。巨蟹座嘅人今日都有愛情運喎，記得趁今日星期日，為伴侶製造吓驚喜，感情關係會更加美滿呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
