隨着疫情解封，影帝梁家輝都頻頻中港兩地跑拍劇，而向來親民嘅佢，即使係私人休息時間，面對熱情粉絲嘅合照請求，向來都唔會Say No。日前，乘搭私人飛機嘅佢，亦大方同空姐合影留念外，對方仲將合照擺上網，並公開影帝私下不為人知嘅一面呀！
該名空姐喺社交網晒出2張同影帝梁家輝嘅合照，寫道：「前段時間遇到影帝，對梁先生的高素養深表敬佩。因為看過影帝塑造的太多角色，老是覺得香港這些演技派明星都很有距離！結果他們的禮貌和修養簡直讓我這個見過很多明星的人都大吃一驚，全程不麻煩我們乘務員做任何事，甚至是恨不得來廚房幫我們幹活了！」並補充其實租得私人飛機嘅乘客都係相對有錢人，對於私隱保密要求都相當高，所以呢輯相完全係經過梁家輝本人同意。
有唔少網民睇完相後都讚梁家輝好人，亦有網友指乍看之下完全認唔出係梁家輝，但相信應該喺加咗Filter，所以搞到變樣。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
