藝人湯洛雯與視帝馬國明婚禮舉行在即，2人早前更飛去法國影婚紗相兼旅行，相當甜蜜！自今年初宣布求婚後，靚湯就開始為婚禮而積極做運動Keep Fit，誓要做個靚靚新娘，以最佳狀態出嫁。近日，佢喺社交網晒出多張「未婚夫視角」嘅旅行靚相，相中佢穿着低胸吊帶連衣裙，一展迷人好身材，面露甜蜜笑容嘅佢，幸福氣氛真係隔住個Mon都感受得到。
據悉佢依家已經成功減下20磅，重回當年參選港姐嘅狀態。不過有網民就笑指佢冇事業心，之前因工作需要，要佢減肥但就失敗收場，依家為咗結婚就好快減肥成功。皆因佢當年接替黃心穎拍攝《法證先鋒IV》時，被要求喺一個月內減下20磅，結果減肥失敗，更被觀眾嘲笑佢條腰有肥肉。之後喺劇集《隱門》，依然減肥失敗嘅佢，更被網民嘲笑喺劇中，外貌身材大走樣，十足師奶咁款。雖然當時佢有解釋自己因為身體不適，需要食藥，令身材腫脹，樣都好殘，不過大部分網民似乎並不買帳。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
